Samgöngu- og sveitarstjórnarráðherra styrkir Sköpunarmiðstöðina 2019-2021
April 11, 2019.
Sköpunarmiðstöðin á Stöðvarfirði hlaut 57.5 milljónir í verkefnastyrk frá Samgöngu- og sveitastjórnarráðherra nú í apríl 2019 á grundvelli stefnumótandi byggðaáætlunar fyrir árin 2018-2024. Mótframlag Fjarðabyggðar vegna styksins eru 14.375.000. Fjármununum verður varið í viðhald og viðgerðir á byggingu Sköpunarmiðstöðvarinnar.
“Markmiðið með framlögum til sértækra verkefna sóknaráætlanasvæða er að tengja sóknaráætlanir landshluta við byggðaáætlun og færa heimafólki aukna ábyrgð á ráðstöfun fjármuna. Áhersla er lögð á að styrkja svæði þar sem er langvarandi fólksfækkun, atvinnuleysi og einhæft atvinnulíf. Verkefni sem hljóta styrk skulu nýtast einstökum svæðum eða byggðarlögum innan landshlutans, eða landshlutanum í heild. “
Hér má lesa meira um styrkveitinguna: byggdastofnun.is